Проект од образовната програма ЕРАЗМУС + на Европската Унија, наслов „Две и пол минути до полноќ“

Во периодот од 01.11.2018 до 31.10.2020 година во училиштето се реализираше проектот „Две и пол минути до полноќ“-иновативен образовен пристап за разгледување на проблематиката со климатските промени во основните училишта“ финансиран од програмата ЕРАЗМУС +, оска КА2-Соработка за иновации и размена на добри практики, КА201-Стратешки партнерства за училишно образование.

Училиштето соработуваше со проектни партнери од Република Бугарија Основно училиште од Општина Пештера и Општина Пештера) и Република Хрватска Основно училиште од општина на град Лудбрег и Општина на град Лудбрег). За реализацијата на проектот на училиштето му беше доделен грант во износ од 14.470 евра.

Целта на проектот беше имплементирање на содржини поврзани со проблематиката на климатските промени во СТЕМ ориентираните училишни предмети кај ученици од предметна настава, обука за користење на Веб 2.0 образовни алатки и обука за користење на е-Твининг платформата.

Од нашето училиште учестуваа наставниците по биологија, физика и иновации, а беа вклучени ученици од 7, 8 и 9 одделение.

Изработките на учениците и наставниците и проектните активности можат да се видат на е-твининг профилот на проектот „Две и пол минути до полноќ“.

Проектните активности и проектните резултати можете да ги видите на проектната веб страна на следниов линк: https://www.twoandahalfminutes.eu/