ОСНОВНО УЧИЛИШТЕ „Крсте Петков Мисирков“ Кочани, Оризари

Вид на настава

Училиштето работи во две смени во 12 универзални училници, 1 работилница по ТО (Роботека), 1 кабинет по музичко, 1 кабинет по информатика и спортска сала. Наставата се остварува преку наставните планови и програми за деветгодишно образование, предложени од БРО и донесени од министерот за образование и наука и истите опфаќаат:

• Задолжителна настава по наставни предмети од I до IX одделение;
• Изборна настава (учениците и родителите, по спроведена презентација и анкета, се изјаснуваат и ги избираат изборните предмети);
• Дополнителна настава, која се организира за учениците кои имаат потешкотии во учењето и на кои им е потребна помош во текот на наставната година;
• Додатна настава, која се организира за ученици кои покажуваат значителни резултати по одделни предмети;
• Воннаставни активности за јакнење на меѓупредметните цели на наставните програми;
• Работа со талентирани ученици;
• Слободни ученички активности.

-Дополнителна настава

Дополнителна настава се организира за ученици кои покажуваат континуирано слаби резултати во учењето, а особено ако:

• имаат најмалку две слаби оценки,

• имаат слаби резултати по одреден наставен предмет,

• отсуствуваат од наставата по одреден наставен предмет и

• на барање на ученикот или неговиот родител, односно старател.

Ученикот упатен на дополнителна настава во текот на еден месец посетува дополнителна настава најмногу по два наставни предмети со најмногу четири наставни часови по наставен предмет.

Доколку ученикот не ги посетува часовите по дополнителна настава добива неоправдан изостанок.

За упатувањето на ученикот на дополнителна настава наставникот задолжително го известува родителот, односно старателот.

Распоред за дополнителна настава се доставува до 20 септември.

-Додатна настава

Додатна настава се организира за учениците кои постигнуваат значителни резултати по одделни наставни предмети

(талентирани ученици).

Додатната настава за учениците наставникот е должен да им ја понуди на учениците, а учениците одлучуваат дали ќе ја посетуваат додатната настава.

Распоред за додатна настава се доставува до 20 септември.

Реализација на додатна и дополнителна настава

Реализацијата на додатната и дополнителната настава е условена од потребите, барањата и афинитетите на учениците во поглед на нивото на усвоеноста на наставниот материјал по различни наставни предмети. Секој одделенски и предметен наставник изготвува индивидуална програма за работа на ниво на паралелката, при што бројот на учениците варира зависно од гореспоменатите потреби.

Во текот на годината се реализираат вкупно 36 часови додатна и исто толку дополнителна настава.

-ИНДИВИДУАЛИЗИРАНИ ПРОГРАМИ ЗА РАБОТА СО НАДАРЕНИ И ТАЛЕНТИРАНИ УЧЕНИЦИ

Во училиштето има систем за идентификација на учениците чии основи се дадени во табелата:

-ИНДИВИДУАЛИЗИРАНИ ПРОГРАМИ ЗА ДЕЦА СО ПОСЕБНИ ОБРАЗОВНИ ПОТРЕБИ

Подеднакво е важно да се пружат наједноставни услови за образование на секое дете и за дете кое има пречки во развојот.

Секое дете учи на свој начин и со поинакво темпо од другите деца. За секое дете треба да се овозможи индивидуализирано проучување, да се применуваат методи и постапки кои ќе ги задоволат развојните потреби на единката, средина во која секое дете само ќе доаѓа до нови сознанија, а наставникот да го следи, планира и организира неговото поучување и учење.

Планирани активности:

• Идентификација на деца со посебни потреби

• Состаноци

• Соработка

• Едукација

Идентификација на деца со посебни потреби

Планирања

Соработка со: Родители, Б Р О, стручна служба, наставници

Едукација:Едукативни обуки за наствен кадар и родители од стручни лица

Време на реализација: Цела учебна година.

– УПОТРЕБА НА ИКТ ВО НАСТАВАТА

Согласно законот за основно образование наставниците применуваат ИКТ во наставата континуирано во текот на целата наставна

година. Секој наставник при изработката на тематско-процесното распределение одредува во кои наставни содржини и на кој начин ќе се имплементира ИКТ.

Табела- Употреба на ИКТ во одделенска наставата

Табела- Употреба на ИКТ во предметна наставата